Erişdi nev-bahâr eyyâmı açıldı gül-i gülşen Çırâğan vakti geldi lâlezârın dîdesi rûşen Çemenler döndü rûy-ı yâra reng-i lâle vü gülden Çırâğan vakti geldi lâlezârın dîdesi rûşen Açıldı dil-berin ruhsârı gibi lâleler güller Yakışdı zülf-i hûban-veş zemîne saçlı sünbüller Bu mısra‘la nevâ-sâz olmada âşüfte bülbüller Çırâğan vakti geldi lâlezârın dîdesi rûşen Gelir deyü cihânın şehriyârı bezm-i gülzâra Temâşâ etmek içün yâsemenler çıkdı dîvâra Tebessümle dedi gül-gonca gûş-ı bülbül-i zâra Çırâğan vakti geldi lâlezârın dîdesi rûşen Olup gülşen çırâğan ile pür-şevk u neşât-efzâ Zemîni lâlezârın nûrdan tâvûsdur gûyâ Hezâran müjde kim açıldı rûy-ı gonca-i ra‘nâ Çırâğan vakti geldi lâlezârın dîdesi rûşen Sezâdır kim cihânın pâdişâh-ı mekremetkârı Müşerref ede teşrîf-i hümâyûniyle gülzârı Nedîmin sazlarla okuna bu tâze güftârı Çırâğan vakti geldi lâlezârın dîdesi rûşen *** Makam: Nihâvend - Usul: Semâî - Beste: Arif Sâmi Toker Erişti nev-bahâr eyyâmı açıldı gül-i gülşen notaları Erişti nev-bahâr eyyâmı açıldı gül-i gülşen Erişti nevbahar eyyamı açıldı gül-i gülşen Erişti nev-bahâr eyyâmı açıldı gül-i gülşen sözleri Nedim şiirleri şarkıları